له علمي او اداري کارکوونکو سره د همغږۍ جلا ناستې وشوې.
د ملي پوهنتون رييس، پوهندوی خالد احمد حبيب، د نوي کال په درشل کې له
علمي او اداري کارکوونکو سره په دوو جلا ناستو کې وليدل.
په لومړۍ ناسته کې چې له علمي کارکوونکو سره وشوه، د تدريسي چارو پر
لا همغږۍ، د علمي فعاليتونو د موثريت پر لوړاوي او نوي کال ته د نوي علمي برنامو په اړه بحث وشو،
ښاغلي حبيب د
تدريسي بهير د کيفيت، د درسي پلانونو د پليکېدا او د محصلانو د جذب په برخه کې پر ګډو همکاريو هم ټينګار وکړ.
په دويمه ناسته کې چې له اداري کارکوونکو سره وشوه، د نوي
کال لپاره د کاري پلانونو او ګزارشونو د ترتيب، د اداري چارو د چټکتيا او شفافيت، د څانګو
ترمنځ د همغږۍ او د پسرلني کانکور لپاره د چمتووالي بحث موضوعات وڅېړل شول، د پوهنتون رييس ټينګار وکړ چې ټولې څانګې دې خپل کلني پلانونه او راپورونه پر وخت
چمتو کړي، څو د پوهنتون عمومي فعاليتونه په منظم ډول پر مخ ولاړ شي.
د ناستو په پای کې ګډونوالو خپلې يو
شمېر غوښتنې، وړانديزونه او نظريات هم د پوهنتون له مشرتابه سره شريک کړل.
