د Endodontics Flare-up تر سرليک لاندې يوورځنی سيمینار ترسره شو.
د ملي پوهنتون د څېړنو او علمي مجلې ریاست د علمي برنامو په دوام،
د ستوماتولوژي پوهنځي استادانو او محصلانو ته، يو ورځنی علمي سيمينار وړاندې شو،
دا سيمينار چې د "Endodontics Flare-up" تر سرليک لاندې جوړ شوی و، د هغو ناڅاپي ستونزو،
دردونو او التهابي حالاتو په اړه و، چې د غاښونو د داخلي درملنې پر مهال رامنځته
کېږي.
په یاد سيمينار
کې استاد فهيم نوري د موضوع د بېلابېلو علمي
اړخونو په تړاو هر اړخیز معلومات وړاندې کړل، د
Endodontics Flare-up پېژندنه، د
رامنځته کېدو اساسي عوامل، د مخنیوي لارې چارې او د مؤثرې درملنې علمي تګلارې
تشریح د دې سيمينار مهم موضوعات وو، استاد نوري محصلانو ته د موضوع د لا ښه درک
لپاره عملي بېلګې هم وړاندې کړې او د دوی لهخوا مطرح شوې پوښتنې یې ورځواب کړې.
په دغه سيمينار کې د ستوماتولوژي پوهنځي ګڼو محصلانو ګډون کړی و، چې د دوی په وينا د دوی د ظرفيتلوړونې لپاره خورا اغېزناک او ګټور و.
ملي پوهنتون د
خپلو محصلانو د علمي، مسلکي او څېړنیزو وړتیاوو د لوړولو په موخه، د داسې علمي
پروګرامونو جوړول یوه اساسي اړتیا بولي او هڅه کوي چې له معيارونو سره سمې زدهکړې،
پرمختللې روزنې او علمي نوښت ته زمینه برابره کړي.
